الصحاب مواقف

“بكرة زفة اخت اشرف وعايزين نوجب معاه يا رجالة ونشرفه”
“بسسست انت يابني الإجابة صح صح صح غلط غلط صح غلط”
“دينا ومريم متقعدوش جنب بعض تاني في حصتي”
“فؤاد اقسم معايا ساندويتش اللانشون وانا اديك من العصير في الفسحة””بكرة زفة اخت اشرف وعايزين نوجب معاه يا رجالة ونشرفه”
“بسسست انت يابني الإجابة صح صح صح غلط غلط صح غلط”
“دينا ومريم متقعدوش جنب بعض تاني في حصتي”
“فؤاد اقسم معايا ساندويتش اللانشون وانا اديك من العصير في الفسحة”

كم حد جه في دماغك وانت بتقرا المواقف دي؟
دماغك راحت لمين وسافرت كم سنة لورا؟
طب كم حد من دول لسة انت وهو صحاب؟


فكرتك عن الصحاب بتبتدي من قبل ما يكون انت نفسك عندك صحاب..بتبتدي وانت مسحول بطبق الكنافة اللي مامتك بعتاه معاك لجارتكم والبسبوسة اللي جارتكم رجعتها معاك في نفس طبق، من مكالمات مامتك وخالتك اللي بتقعد بالساعات، من صحاب اختك واخوك الكبار اللي بيكون نفسك تقعد معاهم بس مبيرضوش علشان انت صغير.
دايرة صحابك بتبدأ من بدري أوي تقريباً من أول ولاد خالاتك ولعبكم في بيت جدتكم والخناقات ومصيف العيلة ورن الجرس عالجيران.
طب فاكر أول صاحب عرفته واللي قعد جنبك في اول يوم مدرسة وانت بتعيط ومتشحتف علشان ماما مشيت وحاول يهون عليك مع انه هو نفسه كان متشحتف زيك بالظبط؟ وصاحبك اللي خد منك ساندويتش المربى في البريك وقعدت تعيط، بعد كده كبرتوا وعرفتوا إن الحياة فيها حاجات كتير اكبر واهم من ساندويتش المربى.
الصحاب مراحل وعلامات، أول صاحب اتعرفت عليه وبقى نصك التاني والصاحب اللي كان نصك التاني لحد ما لقى نصه التاني وبقيت انت نص بس يا عيني، بس مش كلهم كده غالباً دول بيبقوا حاجة من باب الـ Contrast علشان لما تقابل الصحاب اللي بجد تبقى عارفهم.

“انا مكنتش بطيقك اول ما شوفتك والله” كم صحوبية ابتديت كده؟ كم مرة عرفت ان ما محبة إلا بعد عداوة وإن الانطباعات الأولى مش دايماً هي اللي صح وان العبرة بالخواتيم وان الحكم بمين قعد وسند.

الصحاب اللي بجد موجودين جنبك في زنقتك قبل الرحرحة، اللي مش هتفكر ثانية قبل ما تطلب منهم حاجة وهتعتبر ان طلبك ده تحصيل حاصل، يعني انتي يا دينا لو عايزة فستان مروة اللي حضرت بيه خطوبة أميرة هتروحي البيت تاخديه واحتمال تعرف من الصور انك خدتيه، وجزمة الكرة بتاعتك يا احمد اللي مروان خدها في الدورة الرمضانية ودلوقتي انت اللي بتستلفها منه وممكن ميوافقش.

بتكبر وبتعرف ليه ماما قلبها مكنش مرتاح لصاحبك فلان، وبتقص وشوش ناس من صور و ان-فريند وبلوك وتكتب Trust No One وتحط صور بنت بتعيط وكحل سايح وتحس ان الدنيا قفلت وتسمع محمد محي وحاجة دراما عالأخر، بس دي مش الحلقة الأخيرة دي بالكتير
Season Finale وهتبدأ موسم جديد وتقابل ناس جديدة فيهم الصحاب التمام وفيهم اللي هياخد سكة ومع ألف سلامة.

screen-shot-2017-02-02-at-3-07-26-am

المختصر المفيد انه في وقتٍ ما هتوصل لحاجة مهمة جداً هي إن في الصحاب الموضوع مش دايماً بيتقاس بالوقت، بيتقاس بالمواقف
في ناس من أول موقف بينكم بتعرف معدنهم وانه صاحب بجد مع انك لسة عارفه ومش زي ما بنقول “عشرة عمر” لأن الصاحب اللي بجد هيبقى في ضهرك ومعاك لوعارفك امبارح او حتى من عشرين سنة.
وعلشان الصحاب مش لازم يبقوا عشرة عمر PQ هو اجدد صاحب ليك.
الصاحب اللي مش هيستغل زنقتك وهيوصلك مكان ما انت عايز وانت حاسس بأمان ومريح بالك من غير ما تقلق إن الأجرة ممكن تبقى زايدة علشان الدنيا زحمة ولا المشوار بعيد، علشان الصحاب مبيعملوش في بعض الحركات دي، الصحاب موجودين في كل الظروف بعيد بقى قريب زحمة ولا فاضي مش فارقة
PQ…صاحبك اللي مش هيستغل زنقتك

Tags: , ,